موضوع: حمام العروسه دلوقتى تقدرى تعمليه كل اسبوع السبت أبريل 16, 2011 1:59 am
كونى عروسه كل يوم بطريقة الاستحمام الرائعة اللى هقولهالك دلوقتى اول حاجة لو بشرة جسمك جافة يبقى هتستعملى شاور كريم مش شاور جيل ولو جافة قوى يبقى كمان تجيبى زيت مساج للجسم وفى فى اوريفليم حاجات من دى كتير ولو عايزة نصيحتى شاور كريم ميلك اند هنى وزيت مساج من مجموعة سويدش سبا تحفة تحفة تحفة يا بنات والله
ولو بشرة جسمك عاديه او دهنية يبقى مفيش مشكلة من الشاور جيل
تانى حاجة هتحتاجى سكرب للجسم وعندك انواع كتير اختارى اللى يناسبك بس لو عروسة بجد يبقى خذى سكرب سويدش سبا الاصفر اللى فى العلبة المدورة هو صحيح غالى شوية ب لو جربتيه هتقعدى تدعيلى من هنا للسنة اللى جاية
تالت حاجة مزيل لرائحة العرق ...اى نوع تحبيه
رابع حاجة كريم للجسم بأى رائحة بارفان وعندك كتير فى اوريفليم ودى طبعا اذواق
طيب الطريقة؟؟؟؟؟؟؟؟؟؟؟؟؟؟
اول حاجة شطفى جسمك بمية سخنه قوى من غير شاور وبعدين نشفى نص نص يعنى خلى جسمك رطب نوعا ما
خدى حتة من سكرب الجسم فى ايديكى وابدأى حطيها على المناطق الغامقة فى جسمك زى الركبة والكوع واماكن ثنيات الجسم وافركيها كويس خالص
واوعى تغسليها
بعدين هاتى لوفة الحموم وحطى عليها كمية من شاور جيل او كريم وكمية كمان من سكرب الجسم و تأكدى ان جسمك لسة رطب ولو كان نشف حطى ع اللوفة شوة ميه بسيطة
وابدأى دلكى جسمك كله باللوفة وركزى على الاماكن الغامقة
و بعدين شفى جسمك بمية دافية وبرديها بالتدريج
ونشفى جسمك كويس جدا
حطى مزيل رائحة العرق وادهنى جسمك كله بكريم الجسم اللى برائحة اى بارفان ولو بشرة جافة ادهنى جسمك بزيت المساج
وبكدة عملتى حمام العروسه ممكن تعمليه كل اسبوع مرة وباقى مرات الاسبوع حمام عادى
ودى صورة فيها سكرب الجسم وزيت مساج من مجموعة سويدش سبا